Dansiboð

Dansiskráin í Sólarmagni vetrarhálvuna 2016-17

Skrá er nú løgd fyri kvøðingina í Sólarmagni í vetur, har øll dansiáhugað eru væl komin at verða við – ung sum eldri, børn og gomul, bygdafólk og avbygdafólk.

Byrjað verður sunnukvøldið 11. desember, og hildið verður á til føstuna, sum er leygardagin 25. februar.

Byrjað verður kl. 20 hvørt kvøldið, og hildið verður á í einar tveir tímar, við einum kaffisteðgi á umleið 20 minuttir.

Kvøldini, sum eru sett inn í kalendaran í vetur, eru hesi:

11. desember, 18. desember, 8. januar, 15. januar, 22. januar, 29. januar, 5. februar, 12. februar, 19. februar og 25. februar (leygarkvøld).

Sunnukvøldið 4. desember hittust fólk úr báðum bygdunum í sóknini í Sólarmagni. Vit avráddu at byrja við nøkrum kendum kvæðum, vísum og táttum.

Sunnukvøldið 11. desember kl. 20 verður lagt fyri við einum úrvali av hesum kvæðum/vísum/táttum:

  • Brestiskvæði
  • Herr Sinklar
  • Aligast ríma
  • Flóvin Bænadiktsson
  • Jákupsa skegg
  • Sambandsfall
  • Falkaríman
  • Mallebro
  • Grindavísan
  • Í Gøtu ein dag
  • Í Dans
  • Fípan Fagra
  • Veturin kom við kulda og kava
  • Burtur á heiði

alt eftir, hvussu nógv vit náa at koma ígjøgnum tað fyrsta kvøldið.

Fleiri kvæði og vísur eru tó á skránni. Vit hava umframt hesi oman fyri nevndu eisini góðan hug at tríva í Ormin langa, Sigmunds kvæði, Fruntatátt, Hørpurímu, Ólav Riddararós, Brúsajøkil, Gudbrands kvæði, Harra Pætur og Elinborg, Regin smið, Ketilstátt, Mær gav Sankta Mortan, Ole Morske, Sankta Simeon, Hundatáttin og Jákup á Møn. Uppskot til onnur kvæði at kvøða í vetur eru eisini væl komin.

Sunnudagin 18. desember kl. 20 er skráin henda:

Gudbrands kvæði, sum Hjørdis skipar
Fípan fagra, sum Dánjal Pauli skipar
Aligast ríma B, sum Teitur skipar
Grindavísan, sum Tóki skipar
Brestis kvæði, sum Dánjal Petur skipar

Fólk verða biðin um at velja sær eitt ella tvey kvæðu at lesa uppá. Hóskandi er at lesa og læra seg tey fyrstu 10-15 ørindini fyri kvøldið.

Av øðrum, sum ætlanin er at tríva í er m.a. Sambandsfall, Í Gøtu ein dag, Mallebro, Í dans, Falkaríman og okkurt annað, um hugur er til tað.

Meira kunning um føroyska dansin í Sólarmagni í vetur er at finna í Facebook-síðuni: “Sólarmagn kvøðing og dansur”