Skrá er nú løgd fyri kvøðingina í Sólarmagni í vetur, har øll dansiáhugað eru væl komin at verða við – ung sum eldri, børn og gomul, bygdafólk og avbygdafólk.
Byrjað verður sunnukvøldið 11. desember, og hildið verður á til føstuna, sum er leygardagin 25. februar.
Byrjað verður kl. 20 hvørt kvøldið, og hildið verður á í einar tveir tímar, við einum kaffisteðgi á umleið 20 minuttir.
Kvøldini, sum eru sett inn í kalendaran í vetur, eru hesi:
1. desember, 18. desember, 8. januar, 15. januar, 22. januar, 29. januar, 5. februar, 12. februar, 19. februar og 25. februar (leygarkvøld).
Sunnukvøldið 4. desember hittust fólk úr báðum bygdunum í sóknini í Sólarmagni. Vit avráddu at byrja við nøkrum kendum kvæðum, vísum og táttum.
Sunnukvøldið 11. desember kl. 20 verður lagt fyri við einum úrvali av hesum kvæðum/vísum/táttum:
- Brestiskvæði
- Herr Sinklar
- Aligast ríma
- Flóvin Bænadiktsson
- Jákupsa skegg
- Sambandsfall
- Falkaríman
- Mallebro
- Grindavísan
- Í Gøtu ein dag
- Í Dans
- Fípan Fagra
- Veturin kom við kulda og kava
- Burtur á heiði har neytini ganga
alt eftir, hvussu nógv vit náa at koma ígjøgnum tað fyrsta kvøldið.
Fleiri kvæði og vísur eru tó á skránni. Vit hava umframt hesi oman fyri nevndu eisini góðan hug at tríva í Ormin langa, Sigmunds kvæði, Fruntatátt, Hørpurímu, Ólav Riddararós, Brúsajøkil, Gudbrands kvæði, Harra Pætur og Elinborg, Regin smið, Ketilstátt, Mær gav Sankta Mortan, Ole Morske, Sankta Simeon, Hundatáttin og Jákup á Møn. Uppskot til onnur kvæði at kvøða í vetur eru eisini væl komin.
Meira kunning um føroyska dansin í Sólarmagni í vetur er at finna í Facebook-síðuni: “Sólarmagn dansur og kvøðing”